13.09.2018, 15:10
Қараулар: 16
Күй төгілді домбыра шанағынан…

Күй төгілді домбыра шанағынан…

Ақсайда «Домбырам – асыл мұрам» атты  ардагерлер арасында домбыра party болып өтті.

Елбасымыздың Рухани жаңғыру мақаласы шеңберінде ұйымдастырылған бұл шараға жастар ардагерлерді құрметтеп шақырған. Мұндағы басты мақсат – ұлттық құндылығымызды алдыңғы буын арқылы жастарға үлгі етіп насихаттау.

«Аптаның әр бейсенбісін осылай ардагерлерге арнап, әртүрлі ұлттық құндылығымызды жастарға  насихаттайтын шаралар ұйымдастырып тұруды жөн көрдік» — дейді «Ақсай жастары» қоғамдық бірлестігінің төрайымы Ә.Сарбупеева.Аталмыш шараға домбырасын арқалай келген 20 – ға  жуық қария қатысты.

Байқау шымылдығын атақты Мұхит Мералыұлының шөбересі Асия Мұхитова анамыз Құрманғазының «Аман бол шешем, аман бол!» күйімен ашып, ары қарай қатысушы ардагерлеріміз  төгілген ән – күймен жалғай түсті.

Қортындылай келе сарапшылар 1 орынға Бектұрғанов Әли Менжанұлын лайық деп таныса, 2,3 орындарды  Қарағойшиева Сафия Нұрғалиқызы мен Сатаев Абылай Мерғалиұлына еншіліеп берді.

Сәнім МЕНДІБАЙ

Қалдыру жауабы бар